Beschrijving
Door Truus Verbong-Simons is een nieuwe bundel kinderversjes in het Tegels dialect samengesteld. Met foto’s van Jos Verbong en illustraties van Vince (7) en Freddie (5) Verbong.
Truus schrijft zelf over haar nieuwe boek:
‘t Is alwir ‘nen tiéd geleje, det mien beuk Tovere in Tegele en Tegelse vertèlselkes in de winkel loge. Weej, maar ouch hiel vuël vrinde en bekende, zien ôngertösse opa en oma gewaore. Ich krieg den ouch dök de vraog: “Kump d’r nag ens ein book óet met kingerversjes in ‘t Tegels dialek? Tovere in Tegele hebbe weej zoë dök gelaeze, det ‘t has óetrein velt”.
Nôw is ‘t 2020 en sjriéf ich 20 jaor met vuël plezeer kingerversjes vur de Tegelse declamatiewedsjtriéd van Dialekvereiniging Veldeke Venlo. Dao wuërt op ein sjpeulse meneer ein sjtök Tegelse cultuur aan de jeug euvergedrage. ‘t Tegels verdeent ‘t öm werm gehaje te waere en ‘t door te gaeve aan ôs kinger. Dit is ein gôjje aanleiding öm mien versjes te bundele in: Teikene in Tegele
Netuurlik is ‘t book nag fender gewaore met foto’s van Tegele tösse de Maas en de bosriéke ömgaeving aan de Duitse grens. De aje kern in Tegele, woë versjillende huzer prachtig gerestaureerd zien. Neet te vergaete de Bosserhof (aan de rank van Venlo) en de netuurlikke grens van Belvend, de Aolsbaek, die op de veur- en achterkank van dit book sjtáon.
